Андижонда "Тинчликни асраш" мавзуида йиғилиш бўлиб ўтди
Ўзбекистон мусулмонлари идораси ва Дин ишлари бўйича қўмита ҳамкорлигида жойлардаги диний ходимлар иштирокида “Тинчликни асраш” мавзусидаги йиғилиш ва тадбирлар ўтказилмоқда.
2015 йил 10 ноябрь куни Андижон вилоят вакиллигининг мажлислар залида мазкур йўналишдаги йиғилиш бўлиб ўтди. Унда Дин ишлари бўйича қўмита раиси Ортиқбек Юсупов, Ўзбекистон мусулмонлари идораси раиси, муфтий Усмонхон Алимов ҳазратлари қатнашиб “Мамалакатимизда диний экстремизм ва халқаро терроризмга қарши курашнинг долзарб йўналишлари”, “Ислом тинчлик дини", "Тинчликни асраш ва тарғиб қилиш – долзарб вазифа” каби мавзуларда маърузалар қилдилар.
Йиғилишда вилоятдаги маҳалла фуқаролар йиғинлари раислари, вакиллик ходимлари ва барча масжид имом-хатиблари иштирок этди.