Тошкент шаҳар Чилонзор туман отинойиларининг йиғилиши бўлиб ўтди

    Бугунги кунда отинойларнинг вазифалари доираси жуда кенгайган. Улар нафақат диний билимлар эгаси, балки юртимизда кечаётган ижобий ўзгаришлар, иқтисодий, таълим ва бошқа соҳаларда олиб борилаётган ислоҳотлар, жамиятимиз маънавий, диний ҳаётида кечаётган ўзгаришларнинг фаол иштирокчисига айланиши лозим. Бу борада имом-хатиблар билан ҳамкорликда иш олиб бориш муҳим аҳамият касб этади.
   Шу йилнинг 21 октябрь санасида Чилонзор тумани бош имом-хатиби Ҳусниддин Абдукаримов раҳбарлигида туманда фаолият олиб бораётган отинойлар билан бўлиб ўтган учрашувда тумандаги маънавий-маърифий ишлар самарадорлигини ошириш, жумладан, ёшларимизни “ислом” ниқоби остидаги бузуқ ғоялар таъсиридан огоҳ этиш, қолаверса, турли маросим ва тўй тадбирларини ихчам ўтказишга тарғиб этиш, мусулмонларни ортиқча харж ва исрофгарчилик иллатларидан динимиз қайтаришлигини тушунтириш, шунингдек, баъзи нотинч ва муаммоли оилаларга маънавий ёрдам кўрсатишда маҳалла фаоллари, имом-хатиблар билан ҳамкорликда ҳаракат қилиш мақсадга мувофиқ эканлиги қайд этиб ўтилди деб хабар беради Ўзбекистон мусулмонлари идораси Тошкент шаҳар вакиллиги расмий сайтида.
    Учрашув сўнггида туманда фаол маънавий-маърифий тарғибот олиб бораётган отинойилар тақдирланди.