ОРОМГОҲЛАРДАГИ МАЪНАВИЙ СУҲБАТЛАР

    Маълумки, айни дамда оромгоҳларда болажонлар ёзги таътил онларини мароқли ўтказишмоқда. Уларни вақтларини унумли ва сермазмун ўтиши учун турли маънавий-маърифий тадбирлар бўлиб ўтмоқда. Тадбирларни ташкил этишда ижтимоий ҳамкорлик асосида имом-хатибларимиз ҳам фаол иштирок этишмоқда.
    Ана шундай давра суҳбатларидан бири Тошкент вилояти Бўстонлиқ тумани “Фазогир Гагарин” ва “Қуёшли” болалар соғломлаштириш оромгоҳларида ташкил этилди, деб хабар беради www.muslim.uz
    Тошкент шаҳар Миробод тумани ҳокимлиги билан ҳамкорликда ташкиллаштирилган мазкур учрашувда тумандаги “Қўйлиқ ота” жоме масжиди имом-хатиби Равшанбой Раимқулов иштирок этиб, оромгоҳ мураббийлари, етакчилари ҳамда болажонларни яқинлашиб келаётган истиқлолимизнинг 24 йиллик байрами билан қутлади.
   Шунингдек, униб-ўсиб келаётган келажагимиз эгаларини аждодларга муносиб авлод бўлиб, илм-маърифатли, зиёли, маънан ва жисмонан баркамол, етук инсонлар бўлиб улғайишларини тилаб эзгу дуолар қилди.