“НАВЖА БОБО” ЖОМЕ МАСЖИДИ ҚАЙТАДАН ҚУРИЛАДИ

    2015 йил 24 август куни Навоий вилояти Хатирчи туманида жойлашган “Навжа бобо” жоме масжидининг асосий биносини қайтадан қуриш ишлари бошланиб, биринчи ғишт қўйилди деб хабар бермоқда www.muslim.uz Унда туман ҳокими Ғ.Алиев, Ўзбекистон мусулмонлари идорасининг Навоий вилоят вакили Т.Рўзиев, Хатирчи туманидаги масжид имом-хатиблари, бир қанча ташкилот ва муассаса раҳбарлари ҳамда тумандаги ёши улуғ кекса отахонлардан иборат 100 дан ортиқ киши қатнашди.
     Бу хайрли иш мустақил диёримизда муқаддас динимизга берилаётган эътибор ва мусулмонлар учун яратилаётган шарт-шароитларнинг ёрқин намунасидир. Тадбир якунида жонажон юртимиз доимо тинч, истиқлолимиз абадий бўлишини сўраб дуои хайрлар қилинди.