Шайх Зайниддин жоме масжидида Қурбон ҳайити намози ўқилди
Юртимизнинг барча жойларида бўлгани каби пойтахтимиздаги Шайх Зайниддин жоме масжиди ҳам узоқ-яқиндан келган намозхонлар билан тўла бўлди. Ҳайит намози аввалида Шайх Зайниддин жоме масжиди имом ноиби Алишер Мирзаев қутлуғ байрамнинг файзу баракоти, юртимиздаги эътиқод эркинлиги ва миллий қадрятларига берилаётган эътибор, энг бебаҳо неъмат саналмиш тинчлик ва осойишталикнинг қадри ва фазли, неъматларни асраб-авайлаш хусусида амру маъруф қилди.
Шундан сўнг, минглаб мусулмонлар Қурбон ҳайитини намози адо этишди. Дуога қўл очган мўминлар жамоаси бугунги нурафшон ва осойишта кунлар учун шукроналик билдиришди, азиз Она юртимиз, жаннатмонанд Ватанмиз ва қалби эъзгуликка тўла халқимиз ҳаққига дуои хайрлар қилишди.
Намоздан сўнг, барча юртдошларимиз қутлуғ байрам билан бир-бирларини муборакбод этишди. Айём муборак бўлсин, азизлар!
Шайх Зайниддин жоме масжиди матбуот хизмати