Ямандан 3 минг зиёратчи Ҳажга йўл олди
Яман вақфлар ва диний ишлар вазири Фуад бин Умар бин Али ал-Шайх Абу Бакрнинг баёнот беришича, Маккада яманлик зиёратчилар сони жорий мавсумда 3 минг кишига етган.
Саудия Арабистони матбуотида таъкидланишича, зиёратчилар “хусийларнинг тўсқинлигига қарамай”, Маккага келишган. Вазирнинг ўзи ҳам уларнинг хавфсизлигини таъминлашда Саудия Арабистонининг ўрни муҳим бўлганини эътироф этди.
Айтилишича, исёнчи ҳусийчилар раҳбарияти Саудия Арабистонидан зиёратчиларни ўз чегарасидан ўтказмасликни талаб қилган, лекин ушбу мамлакат раҳбарияти бундай таҳдидларни эътиборга олмаган.
Зиёратчиларнинг 2.5 минг кишидан иборат биринчи гуруҳи қиролликка илгарироқ кириб борган эди. Шу якшанба куни яна 500 киши ўз манзилига етиб олди.
Бундан ташқари, жорий мавсумда яманлик ҳожилар миқдори 6 минг кишига етиши кутилмоқда.
