Татаристонда янги масжид лойиҳаси тасдиқланди
Татаристон Республикаси муфтийси Комил ҳазрат Самигуллин Қозонда бунёд этилажак “Жомга” масждининг ташкилий қўмитаси билан бўлган учрашувда, масжид лойиҳасини тасдиқлади. Бу ҳақда Татаристон Республикаси Диний идораси матбуот ҳизмати хабар қилади.
“Масжид – шу атрофда яшовчи аҳолининг бир умрлик орзуси эди. Ана энди уларнинг орзулари амалга ошади”, дейди учрашувда иштирок этган «Өмет йолдызы» (“Умид юлдузи”) жамғармаси раиси Миннегул Сафин ва имом Равиль ҳазрат Валиев.
Шу ўринда эслатиб ўтамиз, ҳозирги кунда Қозонда 60 дан ортиқ, Татаристон Республикаси бўйлаб эса 1500 дан ортиқ масжди фаолият юритиб келмоқда.