Шри-Ланкалик мусулмонларга 5000 нусха Қуръон ҳадя қилинди
26.5.2018 1998
Туркия Шри-Ланкага 5000 нусхада Қуръони Карим китобини ҳадя қилди. Мазкур хайрия Туркия диний ишлар жамғармасининг “Ҳадя Қуръон” лойиҳаси доирасида амалга оширилган.
Жамғарма томонидан тамил тилига таржима қилинган Қуръон нусхалари мамлакатнинг бир неча шаҳарлари, хусусан, Канди, Батикалана, Кинни ва Тринкомали аҳолисига тарқатилди.
Китобни топшириш маросими шаҳрлардаги масжид ва мадрасаларда бўлиб ўтди.
Туркия дин ишлари жамғармаси вакили Микаил Чолакнинг таъкидлашича, Шри-Ланка аҳолиси Туркия ва турк миллатига нисбатан жуда илиқ муносабатда. Мазкур лойиҳа мамлакат бўйлаб уч кун давомида амалга оширилган.
