Россияда газланган Зам-зам суви ишлаб чиқарилмоқда
“Баракат” компанияси россиялик истеъмолчилар учун Зам-зам сувининг газланган турини ишлаб чиқаришни бошлади.
“Барчамизга маълумки, муқаддас Макка заминидан отилиб чиқувчи Зам-зам суви айнимаслик хусусиятига эга. Биз ишлаб чиқараётган Зам-зам сувлари эса айнимаслиги сабаб ҳеч қандай қўшимчаларсиз қадоқланади”, дейди компания маъмурияти Исламньювсга берган интервьюсида.
Шу ўринда таъкидлаш жоизки, мазкур ичимлик суви савдосидан тушган пул маблағлари компания томонидан ташкил қилинган “Марям” фонди орқали болалар уйлари, ёш болалар шифоҳоналари ва кўзи ожизлар жамиятларига ўтказилади.