Озодлик ҳайкалига “Қочоқлар, хуш келибсиз”, деган ёзув илиб кетилди
23.2.2017 4165
Нью-Йоркдаги АҚШ рамзи—Озодлик ҳайкалига “Қочоқлар, хуш келибсиз”, деб ёзилган плакат осиб кетилди. Ҳозирда мамлакат полицияси 6 метрлик мазкур баннерни ким илиб қўйгани борасида суриштирув олиб бормоқда. Айтиш жойизки, миллий ёдгорликларга ҳар қандай мазмундаги плакатларни жойлаштириш қонунан тақиқланади.
Мазкур воқеани AltStatue of Liberty номи остидаги аккаунтни юритаётган номаълум шахс ўз бўйинга олган. Унинг сўзларига кўра, ҳар қандай оддий одам Америка ҳақида нимадир гапирганда ишончни ҳис қилиши керак.
Бу воқеа АҚШ ички хавфсизлик вазирлигининг иммиграция соҳасидаги чораларнинг қатъийлаштирилишини эълон қилган кунда содир бўлган.
