Мусулмон-баскетболчи АҚШнинг олий мукофоти билан тақдирланди
Таниқли америкалик баскетболчи Карим Абдул Жаббор АҚШнинг олий мукофоти – Озодлик президент медали билан тақдирланди. Мукофотни спортчига Оқ уйда АҚШ президенти Барак Обама топширди. Шунингдек, мазкур медалга Билл Гейтс, актёрлар Роберт де-Ниро, Том Хэнкс, шунингдек, ижрочилар Дайана Росс, Брюс Спрингстон ва бошқалар сазовор бўлди.
Озодлик президент медали ва Конгресс медали АҚШдаги энг олий фуқаролик мукофоти саналади. У АҚШ миллий қизиқишлари, хавфсизлиги ва тинчлигини таъминлаш ҳам жамият ривожи йўлидаги улкан хизматлари учун топширилади.
Қайд этиш керакки, Карим Абдул Жаббар (кичик Фердинанд Льюис Алсиндор) Нью-Йоркда туғилган. 1971 йили исломни қабул қилган. У МБА тарихида очко тўплаш бўйича мутлоқ рекордчи (38387) бўлиб, 6 бор энг қимматбаҳо баскетболчи, деб тан олинган.
