Маккада умра зиёратчилари сони икки бараварга ошди
22.11.2016 4022
Жорий йилнинг 1 ноябридан старт олган умра зиёрати мавсуми учун Ҳаж ва Умра вазирлигига 370 000 дона виза хати келиб тушган. Ҳозирга қадар Макка ва Мадинага 115 мингдан зиёд зиёратчи келди. Бу ўтган йилнинг шу даврига нисбатан икки марта кўпдир.
Қайд этиш керакки, Ҳаж ва Умра вазирлигига мутасаддиларининг сўзларига кўра, зиёратчилар сонининг ошишига Масжидул ҳаром ҳудудидаги лойиҳаларнинг амалга жорий қилингани сабаб бўлган.
Зиёратчиларни қабул қилиш қобилияти соатига 53 минг нафардан ошмас эди. Лойиҳа амалга тадбиқ этилгач, бу миқдор 130 минг нафарга етди. Жорий йилги мавсумда 8 миллион кичик ҳаж ибодатини оширувчиларни қабул қилиш режалаштирилган.
