Макка ва Мадинани боғловчи тезюрар поезднинг ишга тушиш санаси маълум қилинди
Саудия Арабистони Транспорт вазири Набил бин Муҳаммад ал Амудийнинг маълум қилишича, шу йилнинг сентябр ойидан бошлаб қиролликнинг икки муқаддас шаҳрини боғловчи тезюрар поезд 300 км/соат тезликда йўловчиларни ташишни бошлайди.
Мазкур темир йўл Яқин Шарқдаги энг тезюрар магистрал бўлиши кутилмоқда. Ҳар йили мазкур темир йўл 60 млн.дан ортиқ йўловчини ташийди.
Таъкидланишича, 450 кмли темир йўл қиролликнинг бизнес-маркази ҳисобланган Қирол Абдулла шаҳридан ўтади. Шунингдек, темир йўл Жиддадаги қирол Абдулазиз аэропортига олиб борувчи трассага ажралади.