Мадинаи Мунаввара зиёратчиларни қабул қилишга тайёргарлик кўрмоқда
Мадина шаҳри Санитария хизмати Рамазон ойида Умра зиёратига ташриф буюрувчи ибодатчиларни кутиб олишга тайёргарлик кўрмоқда. Пайғамбар соллаллоҳу алайҳи васаллам шаҳри озодалиги учун бириктирилган ходимлар сони 30%га ортган. Шаҳарнинг соғлиқни сақлаш ва транспорт соҳалари назорат этилмоқда. Жумладан, ҳозирда шаҳарнинг барча савдо шаҳобчалари, кафе ва ресторанларда маҳсулотлар сифати, санитария ҳолати юзасидан текширув ишлари олиб борилмоқда.
Мадинаи Мунаввара Сув хўжалиги бошқармаси "Масжидун Набавий" атрофи ҳамда меҳмонхоналарда жойлашган зиёратчиларга ичимлик сувини узлуксиз етказиб берилишига кафолат бермоқда. Мадина ҳокими шахзода Файсал бин Салмон Муборак Рамазон ойига тайёргарлик жараёнини шахсан ўзи кузатиб бормоқда.
Таъкидлаш лозим, 2016 йилда Рамазон ойида Ўзбекистондан 672 нафар зиёратчилар Иншааллоҳ Умра зиёратини адо этадилар.
