Мадагаскарда мусулмонлар сони кескин ошиб бормоқда
Мадагаскар оролида мусулмонлар сони тобора кўпайиб бормоқда. Буни сўнгги йилларда ўтказилган аҳолини рўйхатга олиш натижалари кўрсатиб турибди.
Шундай қилиб, қайд этилган маълумотларга кўра, 2010 йилда оролдаги аҳолининг 1,1 фоизи ислом динига эътиқод қилган бўлса, 2017 йилга келиб, бу кўрсаткич 15 фоизга етган. Таъкидлаш керакки, оролдаги мусулмонларнинг катта қисми шахсий қарори билан исломни танлаган.
Улар орасида 49 ёши Жан-Жак Ревана ҳам бор. Туркиянинг Anadolu ахборот агентлигига берган интервьюсида айтишича, у 15 йил аввал ҳам христиан динига эътиқод қилган ва доимий равишда черковга бориб турган.
« Мен доим бошқа динларга қизиқардим. Бироқ Ислом дини менда жуда катта таассурот қолдирди ва мен мусулмон бўлдим», - дейди у.