Жидда аэропорти соатига 4300 нафар зиёратчини қабул қилади
Бу йилги Ҳаж мавсумида халқаро Жидда аэропорти бир соатда 4300 зиёратчини қабул қилиш имконига эга бўлади. Бу ҳақида Жиддадаги Қирол Абдул-Азиз номидаги Халқаро аэропортининг Ҳаж ва Умра ишлари бўйича директори Ҳолид бин Муслим ал-Ҳарбий.
Унинг сўзларига кўра, аэропортда меҳмонларни кутиб олиш учун 13 та алоҳида зал ажратилган.
«Меҳмонларни кутиб олиш, маълум жараёнлардан ўтиш, аэропортни тарк этиб, автобусларга жойлашгунга қадар 45дақиқадан кўп вақт кетмайди. Биз ҳеч қандай тўхталишлар бўлмаслиги йўлида ҳаракат қилаяпмиз. Ўтган йили бундай жараёнлар билан боғлиқ ишларга алоҳида туристик агетликлар масъул бўлган», -дейди ал-Ҳарбий.
Эслатиб ўтамиз, Ҳаж мавсуми жорий йилнинг 20 август куни бошланади.