Экспертлар: Мусулмонлар – Британиядаги қонунга итоат қилувчи энг яхши фуқаролар
Буюк Британияда мамлакат ҳудудида истиқомат қилувчи мусулмонлар ўртасида сўров ўтказилди. Натижалар бирмунча кутилмаган кўриниш ҳосил қилди: мусулмонлар Туманли альбиондаги энг ватанпарвар ва қонунга итоат қилувчи фуқаролар экан.
Шундай қилиб, мутлақо кўпчилик мусулмонлар терроризмга қарши фикр билдириб, ўзга дин вакиллари билан иноқ яшашни ёқлаганлар. 89 фоиз мусулмон зўравонликни қоралаган ёки терроризмни тараққиёт кушандаси эканини билдирган.
“Бизнинг жамиятимизга хавф солаётган энг катта муаммо муросасизлик ва бузуқ ақидалардир. Айтиш керакки, мусулмонлар доим евпопа жамияти билан интеграциялашувга тайёр эканини билдиришади. Британиялик мусулмонлар мамлакатдаги энг ватанпарвар фуқаролардир”, - дейди сўров ташкилотчиларидан бири, Британия парламенти депутати Ҳолид Маҳмуд.