Дунёнинг “энг ҳушёр” мамлакатлари етакчилари мусулмон давлатларидир
Британиянинг The Spectatоr нашри мамлакатлардаги аҳолининг киши бошига ичадиган алкоголь ичимлиги бўйича рейтинг натижаларини эълон қилди.
Таъкидлаш жоизки, мазкур рейтингга барча талабларга жавоб ерган 18 тагина давлат кира олган.
Одатдагидек, энг кам алкоголь истеъмол қилувчи давлатлар қаторига таркибида мусулмонлар кўпроқ истиқомат қиладиган мамлакатлар кирган.
“Энг ҳушёр” мамлакатлар рўйҳатининг етакчиси Саудия Арабистони бўлиб, ундаги аҳолининг киши бошига бир йилда ўртача 20 гр алкоголь тўғри келар экан.
Иккинчи ўринда Индонезия бўлиб, у ердаги аҳоли бир йилда киши бошига ўртача 600 гр алкоголь истеъмол қилади. Учинчи ўринни эса, Туркия эгаллади. У ердаги йиллик алкоголь истеъмоли миқдори 2 литр экан.
Дунёнинг “энг сарҳуш” давлатлари рўйҳатининг етакчиси эса, Россия бўлди. Бу ерда аҳолининг йиллик киши бошига истеъмол қиладиган алкоголь миқдори 15.1 литр экан. Кейинги ўринларни Франция-Австралия (12.2л) ва Ирландия (11.9л) эгаллаган.
