БМТ мусулмон-рохинялар ҳақидаги якуний қарорни маълум қилди
БМТнинг якуний қарорига кўра, мусулмон-роҳинияларни ўз уйига қайтариш керак. Бу ҳақида БМТнинг қочоқлар ишлари бўйича Олий комиссарлик бошқармаси вакили Адриан Эдвардс маълум қилди.
Ташкилотнинг маълумотларига қайд этилишича, ҳозирда Бангладешга кўчиб ўтган (25 августгача ва ундан кейин) қочоқлар сони 800 минг нафарга яқин. Қочоқларнинг Бангладешдаги Кокс-Базар шаҳридаги лагерга келиши ҳали ҳам давом этмоқда.
Эдварднинг таъкидлашича, БМТнинг қочоқлар ишлари бўйича Олий комиссарлик бошқармасининг вазифаси мусулмонларни ижтимоий ёрдам билан таъминлаш. “Ҳозирда қочоқ роҳиняларнинг уйларига қайтиш имкони йўқ”, - дейди у. Мьянмада 1982 йили қабул қилинган қонунга кўра, роҳинялар мазкур мамлакат фуқаролари саналмайди. Бироқ бу ҳужжатдан қатъи назар мусулмонлар Мьнмага қайтиши керак, деб ҳисоблайди БМТ.