БМТ Евроиттифоқни яна 200 минг қочоқни қабул қилишга чақирмоқда
БМТнинг Қочоқлар масалалари бўйича олий комиссар бошқармаси Европа мамлакатларини яна 200 минг қочоқларни қабул қилишга чақдирди. "Одамларни кўчириш бўйича дастурда Евроиттифоқнинг барча мамлакатлари, албатта, иштирок этишлари керак. Тахминий ҳисоб китобларга кўра, минтақада қочоқларни қабул қилиш учун тахминан 200 мингта жой мавжуд”, дейди БМТнинг Қочоқлар масалалари бўйича олий комиссар бошқармаси бошлиғи. Шу йилнинг 9 сентябрь куни Еврокомиссия қочоқларни Евроиттифоқда “одилона жойлаштириш” механизмини ишлаб чиқиши кутилмоқда.
Маълумотларга кўра, 2015 йилнингбошидан буён Европага турли йўллар билан 340 минг нафар мигрант кириб келган. Экспертларнинг фикрича, мигрантларнинг ноқонуний оқими минтақада иккинчи жаҳон урушидаги каби иқтисодий муаммоларни келтириб чиқариши мумкин.