БААда Бағрикенглик халқаро институти очилди
25.6.2017 2945
Бирлашган Араб Амирликлари ҳукумати Бағрикенглик халқаро институтини ташкил қилди. Бу ҳақида тегишли қарорга вице-президент, БАА Бош вазири Муҳаммад ибн Рашид ал-Мактум имзо чекди.
Хабар қилинишича, институтнинг асосий мақсади мамлакат аҳолис ўртасида бағрикенглик ғояларини янада кучайтириш, тарғиб этиш, мамлакатнинг бу борадаги намунавий имижини яратишдан иборат.
Мамлакат экстремизм ва барча дискриминация шаклларига, шу жумладан, динидан, ирқидан, миллати ва жинсидан қатъий назар, исталган қарама-қаршиликларга уруш эълон қилади.
Умуман олганда, бу марказ ислом динининг соф анъана ва қадриятларини ҳам тарғиб қилади.
Islam-today
