БАА вабога қарши курашиш учун Яманга 10 млн АҚШ доллари ажратди
Бирлашган араб амирликлари ҳукумати вабо касали билан курашаётган Яманга 10 миллион АҚШ доллари юборгани маълум қилинди. Бу ҳақида БАА вице-президенти, Бош вазири, Дубай ҳокими, шайх Муҳаммад бин Рашид Ал-Мактум фикрлари хабарига таниб, WAM агентилиги ахборот тарқатди.
“Бу касалликнинг тарқалишини олдини олиш, беморларни даволаш, яманликларнинг тиббий-ижтимоий ҳимоясини таъминлаш йўлидаги қадамдир”, деб шайхнинг сўзларидан иқтибос келтиради ахборот агентлиги.
Маълумотларга кўра, шу йилда Яманнинг ҳар 45-фуқароси вабо касалига чалинган бўлиши мумкин. Экспертларнинг фикрича, оғир ижтимоий ҳолат безгак ва тутқаноқ сингари бошқа касалликларнинг илдиз отишига сабабчи бўлиши мумкин.
Islam-today