АҚШнинг Айова университетида “Ислом дини билан танишиш” ҳафталиги ўтказилди
АҚШнинг Айова университети мусулмон талабалари жамияти Ислом билан танишиш ҳафталигини ўтказишди. Ҳафталик давомида университетдаги ўзга дин вакилларини Ислом динидаги гўзал анъана ва одатлар билан таништириш учун бир неча тадбирлар уюштирилди. Шулардан бири муслима талаба қизлар ташкиллаштирган “Ҳижобланинг” номли тадбир бўлди.
Тадбир давомида муслима талаба қизлар бошқа диндаги дўстлари ва тенгдошларига рўмол ўрашди ҳамда уларни қизиқтирган саволларга жавоб беришди.
Ана шу тадбирда иштирок этган талабалардан бири Дейдра Биверс бу ҳақда шундай дейди: “Мен аввалари муслима қизларни кўрганимда уларга ачиниш билан қарадим. Ҳуддики, уларни бу либосларни кийишга мажбурлашгандек. Лекин ўзим ҳам ушбу либосни кийиб кўргач, унинг қулайлигини ҳис қилдим ва ўзимни қизиқтирган саволларимга жавоб топдим”.
“Менимча, атиги бир кун бировнинг ўрнида бўлиб кўриш, унинг ҳис – туйғуларини ҳис қилиш жуда ҳам қизиқ ва фойдали деб ўйлайман. Бу Исломдаги аёллар борасидаги одамларнинг адаш тахминларини тўғрилашнинг энг яхши усули деб ўйлайман”, дейди жамият раҳбари Салма Хайдер.
