Аляска суди мусулмон маҳбусларга чўчқа гўштидан таом берилмаслиги ҳақида қарор қабул қилди
АҚШ Федерал суди Алясканиннг Анкориж қамоқхонаси раҳбариятига Рамазон ойида мусулмон махбусларга чўчқа гўштидан таом бермасликлари ҳақида қарор чиқарди. Бу ҳақда маҳбуслар номидан судга ариза берган Америка-Ислом муносабатлари кенгаши (CAIR) хабар берган.
Вакилларнинг маълум қилишича, суд қамоқхона маъмуриятига мусулмон маҳбусларга чўчқа гўштидан таом беришни тақиқлаганини ва Рамазон ойида барча маҳбусларни давлат стандартига мувофиқ тўлиқ озиқ-овқат билан таъминлаши шартлигини белгилаган.
Аризада кўрсатилишича, Анкориж қамоқхонасидаги маҳбуслар 18 соат давомида еб-ичишдан тийиладилар. Лекин кун сўнггида атиги 1100 калорияга тенг егулик оладилар холос. Ваҳоланки, эркак киши бир кунда ўртача 2500 калорияни истеъмол қилиши зарур. Ҳуқуқни ҳимоя қилиш ташкилотлари бу билан мусулмонларнинг диний эътиқод эркинлигига амал қилинмаётгани ва ушбу қонунни бузганлиги учун қамоқхона маъмурияти товон пули тўлаши зарурлигини билдиришган.