Қочаётган муҳожирни оёғидан чалган журналист қиз қамалди
Фарзандини кўтариб югуриб кетаётган муҳожирни оёғидан чалиб, бутун дунёнинг нафратига мубтало бўлган венгриялик журналист қизга қамоқ жазоси тайинлади. Суд N1TV интернет-телеканали журналисти бўлган Петру Ласлога 3 йил муддатга шартли қамоқ жазоси берди.
Журналист ўзини ҳимоя қилмоқчи эканини таъкидлаган бўлса-да, видеотасвирлар бунинг аксини тасдиқлаган. Мазкур воқеа 2015 йилда мамлакатнинг жанубий қисмидаги қочоқларни қабул қилиш пунктида содир бўлганди. Ушбу видеотасвир интернет тармоғига жойлангач, жуда катта норозиликларга сабаб бўлди. Бундан ташқари журналист қизнинг бошқа бир тасвирларда қочоқларни суратга олаётиб, тепаётган кадрлари ҳам тарқалди. Шундан сўнг, журналист аёл ишдан ҳайдалди ва 2016 йилнинг сентябрь ойида “Безорилик” моддаси бўйича жиноий иш қўзғатилди.
Айтиш керакки, чалиб йиқитилган одам кейинроқ Испаниядаги футбол мактабларидан бирига ишга қабул қилинди.
Islam Today
