Мусулмон дастурловчининг Рамазондаги саҳовати олқишларга сазовор бўлди
Мусулмон дастурловчининг Рамазон ойида бечораҳол индуистларга кўрсатган саҳовати ижтимоий тармоқларда катта шов-шувга сабаб бўлди.
Сўнгги вақтларда Қувайт ва Австралияда яшаб, меҳнат қилиб келаётган Аҳборот технологиялари мутахассиси Саидул Шайх кунлардан бирида кафеда Ғарбий Бенгалиянинг Хасмора қишлоғидан бир киши билан танишиб қолади.
Хасморалик киши Саидулга ўз қишлоқдошларининг ўта ночор ҳолатини, ҳаттоки ночорликдан уларнинг ибодат қилиш учун ибодатхона қуришга ҳам маблағлари йўқлигини, шунинг учун улар шу кунгача харобага айланган ташландиқ бир ҳужрада ибодат қилишларини ҳикоя қилиб беради.
Саидул Шайх мазкур суҳбатдан таъсирланиб ўз яқинари ва танишлари билан биргаликда Калькутта яқинида тадбир уюштиради ва тадбир вақтида қишлоқ аҳолисига ибодатхона қуриш учун маблағ киритилган чек қоғозини топширади.
Кутилмаган совғага эга бўлган Хасмораликлар мусулмон йигитнинг уларга кўрсатган саховатидан лол бўлиб қолдилар ва шу кунга қадар ночорлик ва тушкунлик сабаб инсонларга нисбатан йўқолган ишончлари мана бугун Саидул Шайҳ туфайли қайта тикланганини билдиришди.