Остона аҳолисига Рамазон муносабати билан совғалар улашилди
13.6.2018 2106
Куни-кеча Қозоғистоннинг Остона шаҳридаги «Хан-Шатыр» савдо-кўнгилочар мажмуида «Нұр Астана» марказий масжидининг ёшлар бўлими ва республика ёшлар иттифоқининг «Жас улан» бўлими аъзолари ҳамкорлигида «Берекелі Рамазан» акцияси бўлиб ўтди.
Акция доирасида тадбир ташкилотчилари пойтахт аҳолиси ва меҳмонларига Рамазон ойи муносабати билан турли совғалар тарқатдилар.
“Ушбу тадбирнинг асосий мақсади барчага Рамазон ойининг бирдамлик ва ҳамжиҳатлик, меҳр-мурувват ойи эканини эслатишдир. Биз бу билан пойтахт аҳолисини тотувликда ва ўзаро меҳр-муҳаббатда яшашга ва қўлдан келганича бир-бирларидан ёрдамларини аямасликка чақирмоқдамиз”, дейди “Нур Астана” марказий масжиди вакили Максат Байзак.
