Саудия Арабистони 2,5 млн суриялик қочоқни қабул қилган.
2011 йилда Сурияда бошланган урушдан сўнг Саудия Арабистонида шу кунгача 2,5 млн суриялик мухожир қўним топган. Уларнинг мамлакат бўйлаб эркин ҳаракат қилиши, тиббий ёрдам олиши ва меҳнат фаолиятини юритиши учун керакли шароитлар яратиб берилган.
Қироллик кейинги пайтларда уларга нисбатан айтилаётган танқидий фикрларга, яъни Саудия Арабистони сурияликларга керакли ёрдам кўрсатмаётгани ҳақидаги гап-сўзларга ана шу мазмунда жавоб қилди.
Бундан ташқари қироллик айнан суриялик қочоқлар лагерларига ижтимоий ҳимоя ва тиббий ёрдам мақсадида 700 млн долларга яқин маблағ ажратган. Бундан ташқари 100 минг нафардан зиёд суриялик талабалар учун бепул таълим олиш имкони яратилди, дейди Ар-Риёддаги Ташқи ишлар вазирлиги раҳбари.