Қочоқларга меҳрибон давлатлар рейтинги тузилди
Amnesty International халқаро ҳуқуқ ташкилоти қочоқларга меҳрибонлик билан муносабатда бўлаётган мамлакатлар рўйхатини тузиб чиқди. Бу рўйхатдан 27 мамлакат ўрин олди. Рейтингни Германия бошқариб турибди.
Ўтказилган сўров натижаларига кўра, Германия фуқароларининг 80 фоизи қочоқларни ўз мамлакатларига қабул қилишга хайрихоҳлик билдирган. Экспертларнинг фикрича, рейтинг шуни тасдиқладики, европаликларнинг кўпчлиги мигрантларга негатив муносабатда деган қарашлар айни ҳақиқатга мос эмас.
Сўровда қатнашганларнинг 73 фоизи турли сабабларга кўра ҳаёти хавф остида бўлган инсонлар бошқа мамлакатлардан нажот излашга ҳақли, деб билади. Германия ва Испанияликларнинг 90 фоизи буни ёқлаган.
Россия, Таиланд, Туркияликларнинг эса 50 фоизи бу фикрни қўллаб-қувватлаган. Буткул қарши бўлганлар миқдори сўровда қатнашган респондентларнинг 17 фоизини ташкил этган.