Ўзгариб бораётган шаҳар
Хэмтрак (Мичиган) шаҳри АҚШдаги мусулмонлар кўп истиқомат қилувчи марказлардан бири. Шаҳар ахолисининг асосий қисмини поляклар, Яман, Бангладеш ва Босниядан келган эммигрантлар ташкил этади. Шаҳар мери– Карен Маевский – поляк.
Айтиш керакки, АҚШнинг бошқа минтақаларда кўп учрайдиган исломофобия бу шаҳарда кузатилмайди. Маҳаллий ахоли мусулмонларнинг бошқалар билан бирга меҳнат қилиб, шаҳар ривожига ўз хиссасини қўшаётганини кўриб, кузатиб турибди.
“Исломга эътиқод қилувчилар шаҳарнинг барқарор тараққиётига муносиб улуш қўшишга интилмоқда. Шунингдек, улар шаҳардаги хавфсизлик масалалари, наркомания ва жиноятчиликнинг камайишига ёрдам беришаяпти”, дейди шаҳар иттифоқи бошлиғи Билл Майер.