Озарбайжонда ипакдан ишланган Қуръон китоби тайёрланди
Озарбайжонлик таниқли рассом ва нақш устаси Тунзал Муҳаммадзода Қуръони каримнинг ипакдан тўқилган нодир нусхасини тайёрлади. Муқаддас каломнинг антиқа нусхасини тайёрлаш учун уста 3 йил вақт сарфлади ва 50 метр табиий қора шаффоф ипакдан фойдаланди.
Қайд этиш керакки, Тунзал Муҳаммадзода Истамбулдаги Мармарин университети докторантидир. У озарбайжон миллий амалий санъати намунаси саналган занжирли каштачиликни ўрганиш бўйича илмий иш олиб бормоқда.