МОСКВАДА МАДАНИЙ СИМПОЗИУМ
7.9.2015 4109
Россия пойтахти Москва шаҳридаги Халқаро “Ал-Мустафо” университетида “Қуръоний маданиятни тарқатишда ахборот воситаларининг роли” мавзуида симпозиум ўтказилди, деб хабар беради www.muslim.uz. Мазкур симпозиум, Москва шаҳрида ўтказилаётган XXVIII халқаро китоб кўргазмаси доирасида, “Ал-Мустафо” университети вакиллари, Россиядаги Муфтийлар кенгаши, Эроннинг Россиядаги маданият ишлари маслаҳатчиси ва Эрондаги Халқаро Қуръонга оид хабарлар ваколати ҳамкорлигида ташкил этилди.
Унда матбуотнинг ҳозирги даврдаги роли ҳамда Қуръонга оид Халқаро хабарлар ваколатининг жаҳон майдонидаги ўрнига доир масалалар хусусида музокаралар бўлиб ўтди.
