Мино водийсидаги зиёратчилар лагерида келиб чиққан ёнғин ўчирилди.
Макка шаҳридаг 5 километр масофадаги Мино водийсида зиёратчилар чодирларида кучли ёнғин келиб чиқди. Бу ҳақда Ливандаги "Ад-Дияр" нашри электрон сайтида эълон қилди. Хабар қилинишича, ёнғин мисрликлар чодирларида пайдо бўлиб, Ливан лагерига томон силжий бошлаган.
Саудиялик ўт ўчирувчилар ёнғинни бартараф этишган. Жабрланганлар ҳақида ҳозирча расмий хабар келиб тушгани йўқ. "Ад-Дияр"нинг қайд этишича, ёнғин пайшанба куни тиқилинчлар вужудга келган ҳудуд яқинида жойлашган.