Маккада қўшимча 1000 та кузатув камераси ўрнатилди
Саудия Арабистони ҳукумати Маккадаги ҳаж маросимлари адо этиладиган жойларда видеокузатувни максимал даражада кўпайтиришга қарор қилди. Мино водийсига, ўтган йили 2200 нафар зиёратчи қурбон бўлган минтақага мингдан ортиқ камера ўрнатилди.
Минглаб одамлар оқими 150 та кузатув миноралари орқали назорат қилинади. Шунингдек, зиёратчилар хавфсизлигини таъминлаш мақсадида муқаддас жойлардаги ҳаракат йўналишларига янги қоидалар киритилди.
Эслатиб ўтамиз, аввалроқ ОАВда келаётган Ҳаж мавсуми сўнгги ўн йилликдаги энг жазирама мавсум бўлиши кутилаётгани ҳақида ахборотлар тарқатилди. Маълумотларга кўра, соядаги ҳарорат плюс 50 даражага етиши мумкин, деб ёзади islam-today.ru сайти.