ИШИДГА АЪЗО БЎЛИШ ҲАРОМ
Судан уламолари ҳайъати Бош котиби Муҳаммад Усмон Солиҳ, ислом динини ниқоб қилиб, бегуноҳ инсонларни, жумладан, ёш болалар ва аёлларни ваҳшийларча ўлдираётган ИШИД террорчи ташкилоти ва шу каби ҳар қандай бузғунчи гуруҳларга аъзо бўлиш ҳаром экани ҳақида фатво чиқарилганини маълум қилди.
Шунингдек, Муҳаммад Усмон Солиҳ журналистларни қизиқтирган айрим саволларга ҳам жавоб берди. Жумладан, нега суданлик айрим ёшлар мазкур террорчи ташкилотга аъзо бўлиб қолаётгани борасида берилган саволга жавоб берар экан, адашган аксарият ёшларнинг оталари Судандан ташқарида яъни хорижда хизмат қилишини, шу сабабли улар яхши тарбия олмаганини таъкидлади.
Суҳбат сўнгида Судан уламолари ҳайъати ёшларни нотўғри йўлдан қайтариш, экстремизм ва терроризмнинг барча кирдикорларига қарши курашиш ҳамда улар онгига соф ислом дини таълимотларини сингдириш борасида тинимсиз ҳаракат қилаётгани маълум қилинди.
Манба: Muslim.uz
