Вайсақиликдан қандай қутулса бўлади?

Ассалому алайкум, Одилхон қори ака! Саволларга бераётган жавобларингиз учун раҳмат. Аллоҳ илмингизни зиёда қилсин! Сизга хижолат билан савол йўлламоқдаман. Аллоҳ кечирсин, бир хунук одатим бор: бўлар-бўлмас гапларни жуда кўп гапираман. Шуни даволашга ёрдам берсангиз. Кўп гапиришга доир оятлар ҳамда ҳадислардан мисол келтирсангиз! Шояд Аллоҳ иродамни кучли қилиб, шу иллатдан қутулсам!

Зиёратгоҳга қанд ва оқ сурп олиб бориладими?

Ассалому алайкум! Баъзи аёллар маълум миқдорда қанд, нон, оқ сурп ва бошқа нарсаларни азиз авлиёлар зиёратгоҳига олиб боришаркан. Бу билан ишлар юришади, бахт очилади, бошқа тилаклар ижобат бўлади, деб ишонишаркан. Шу тўғрими?

Самовий китоблар ҳақида маълумот берсангиз!

Ассалому алайкум, қори ака! Маълумки, Аллоҳ таоло томонидан 4 та китоб тушурилган. Шулардан Қуръони карим Пайғамбаримиз Муҳаммад соллаллоҳу алайҳи ва салламга нозил бўлган. Саволим шундан иборат: қолган 3 китоб қайси пайғамбарларга нозил бўлган? Ҳозирда ўша китобларга кимлар амал қилади? Жавобингиз учун олдиндан раҳмат. Аллоҳ сизлардан рози бўлсин!

“Пирлар мададкор бўлсин!” дейиш жоизми?

Ассалому алайкум, қори ака. Яқинда укам чет эл сафарига кетди. Сафардан олдин уйдагилар билан хайрлашаётганида, бувим дуо қилаётиб: Пирлар мададкор бўлсин, дедилар. Тоғам бунга жавобан: Ҳамма нарсани Худодан сўраш керак, дедилар. Саволим шундан иборат: пир, кимнингдир руҳи ёки шунга ўхшаш нарсалар мадад берсин ёки қўлласин, дейиш тўғрими? Иложи бўлса, батафсил жавоб берсангиз. Жавобингиз учун олдиндан катта раҳмат!

Шубҳали таомни ейиш ҳукми қандай?

Ассалому алайкум. Сиз устоздан сўрамоқчи бўлганим шуки, қавм - қариндошларникига борганда, бирор - бир егулик қўйишса, унга рибо аралашганми, йўқми, ҳалолданми, ҳаромданми, билмаса, қандай йўл тутиш керак? Иккинчи ҳолат: ота - онанинг уйига борганда, уларнинг қўйган нарсаларидан емасак, хафа бўлишади. Шунда қандай йўл тутган афзал? Жавобингиз учун раҳмат!