Эр аёлига фалон ишни қилсанг менга керагинг йўқ, деса талоқ тушадими? 06.09.2015

Ассалому алайкум. Мен турмуш ўртоғимга мен хоҳлагандай кийиниб юрасиз, деб айтгандим. Яъни, мусулмон аёл қандай кийинса, шундай. Шундай кийинмасангиз менга керагингиз йўқ, деб юборгандим. Турмуш ўртоғим эса қайсарлик қилиб, ўзи хоҳлаганидай кийиниб юрди. Менинг талабимни бажармади. Саволим шуки, шундан вазиятдан кейин никоҳни янгилаш керакми?

Иккинчи турмуш ўртоғимга қизларим номаҳрам бўладими? 06.09.2015

Ассалому алайкум, ҳурматли Қори ака! Илтимос, бир масалада ёрдам берсангиз. Ажрашганман, иккита қизим бор. Иккинчи турмуш ўртоғимга қизларим номаҳрамми, уларни (Отасини)олдида ўраниб юриши керакми? Жавобингиз учун раҳмат, Аллоҳ рози бўлсин.

Қуръонни ёдлаш, хатм қилиш ва ўрганиш ҳақида 06.09.2015

Ассалому алайкум. Ҳурматли Одилхон қори ака, мен имкон борича Қуръонни ёд олишга ҳаракат қиляпман. Лекин ишлар сабаб ёдлаш секинлик билан бўляпти. Яна ёдлаган оятларимни ёдимда сақлашим қийин кечяпти. Қуръонни бошидан охиригача Мусҳафдан ўқиб хатм қиладиган даражага чиқиш учун оятларни камроқ такрор қилиб, хатаки ўтказиб олсам бўладими? Шундай қилсам Қуръонни тезроқ ўқишни ўрганиб оламан, деб ўйладим. Илтимос, менга маслаҳат беринг.

Фотиҳа қилаётганда нега пичоқ олиб қўйилади? 06.09.2015

Ассалому алайкум, муҳтарам домла. Дастурхонда фотиҳа ўқилаётганда пичоқни олиб қўйишади ёки аччиқ нарсани қўлдан қўлга беришмайди. Шу нарсаларга Ислом динида асос борми? Саволим ўринсиз бўлса, узр сўрайман!

Дўстим ҳақига дуо қилсам бўладими? 05.09.2015

Ассалому алайкум! Менинг дўстим 17 ёшида вафот этди. Унинг отаси рус, онаси ўзбек эди. Дўстим жуда одобли, ақлли, бировга ёмонлиги тегмайдиган йигит эди. У ўзини мусулмонман деб ҳисобларди. Лекин оилавий тарбиясидан келиб чиқиб, ҳеч қандай диний тушунчага эга эмасди. Унинг охиратда аҳволи қандай бўлади?! Дўстим учун дуо қилсам, фойдаси тегармикан?! Жавобингиз учун раҳмат!