Армонлар қолмади
Умра – 2016 йил мавсуми айни қизғин паллада бормоқда. Зиёратчиларимиз ушбу ибодатни адо этиб бўлиб, эндиликда ўз таассуротлари билан ўртоқлашмоқдалар. Шундай зиёратчилардан бири Тошкент вилояти 6-гуруҳидан Суннат ота Бегматов ўз таассуротларини қуйидагича баён этди:
“Мана бир неча кундирки, биз Ўзбекистон Республикасидан Умра зиёратига келган ҳожиларнинг қалбидаги қувончни, танасидаги меҳрга тўла муҳаббатни, шукроналикни таърифлашга тил ожиз. Мадина ва Макка шаҳрида меҳмонхонадан то Масжидул Ҳаромга боргунимизча бизга яратилган шарт-шароитлар, зиёратларни тўлиқ ва мукаммал адо этиш учун яратилган кенг имкониятлар, юртимиздан келган қўли ширин ошпазлар томонидан тайёрланаётган тансиқ таомлару гуруҳ раҳбарлари ва ишчи гуруҳ ходимларининг ҳар бир саволга эринмасдан мулойимлик билан қилаётган муносабатлари қалбларимизда алоҳида меҳр ва фаҳр туйғуларини уйғотди ҳамда алоҳида таҳсинга сазовордир.
Ҳеч бир муболағасиз шуни айтишим мумкинки бизнинг зиёратчиларга яратилган шароит мақтанишга ва мақталишга арзийдиган қилиб яратилган. Буни ҳар бир зиёратчининг кўзидан ва хатти-ҳаракатидан илғаб олса бўлади. Бас шундай экан, бу каби шароитни яратиб берган муҳтарам Президентимизга ва бошқа масъул раҳбарларимизга саноғи йўқ ҳурмат ва эҳтиромимни изҳор этмоқчиман. Ота-боболаримиз тмаган ва кўрмаган кунларни кўрдим, улар наздида рўёбга чиқмайдиган орзудек бўлган туйғуни бугун менга мустақиллик берди, қалбларимиз қаъридаги армон оташлари сўнди, ьарча ниятларимга етишдим Аллоҳга шукур.
Ўзбекистон келажаги буюк давлат, авлодлари оламларга олим бўлган ва бўладиган юрт. Қалбимдаги армонимни рўёбга чиқарган Ватаним билан фаҳрланаман“
Ҳурмат билан, Тошкент вилояти 6-гуруҳидан Суннат ота Бегматов