“МЕН ОНАМНИ БАҒРИМГА БОСИШНИ ХОҲЛАЙМАН”
Тайланддаги BARBQ plaza ресторани ходимларидан оналари ҳақида кичик саволнома ўтказилди.
Саволлар қуйидагича эди:
– Бир ойдаги иш кунингиз неча кундан иборат?
– Сиз ҳалиям онангиз билан яшаяпсизми?
– Онангиз билан охирги марта қайси мавзуда гаплашгансиз?
– Қачон онангиз билан охирги марта кулишгансиз?
– Онангизнинг севимли таоми қайси?
– Охирги марта қачон биргаликда овқатлангансиз?
– Қачондир онангизга сиз уни) яхши кўришингизни айтганмисиз?
– Онангизни нима хурсанд қилади?
– Онангиз билан овқатланишга имкониятингиз бўлганда сиз нима қилган бўлар эдингиз?
Жавоблар эса қуйидагича бўлди:
– Мен онамни қандай табассум қилишларини кўрмоқчиман.
– Мен онамни мазали таомни татиб кўришларини хоҳлайман.
– Онам мени қандай овқатлантирган бўлсалар, мен ҳам уларни шундай овқатлантиришни хоҳлайман.
– Онамнинг кулгуларини эшитишни хоҳлайман.
– Мен онамга: “Онажон, мени кечиринг”, деб айтмоқчиман.
– Мен яхши инсон бўлишни хоҳлайман.
– Менинг онам бахтли бўлишларини хоҳлайман.
– Мен онамни бағримга босишни хоҳлайман.
Бу видео Тайланддаги барча каналларда кўрсатилди.
Сиз ишлашингиз кераклигини биламиз. Сиз ўз вақтингизни онангиз олдида ўтказа олмаслигингиз учун афсусдамиз. Лекин биз онангизга озгина бўлса-да, вақтингизни ажратишингизни хоҳлаймиз.
Она – бу шундай зотки, у ҳаммани ўрнини босиши мумкин, лекин унинг ўрнини ҳеч ким боса олмайди.
Рус тилидан Акбаршоҳ Расулов таржима қилди.
