Toshkent islom institutida abituriyentlar test imtihonlarini topshirishdi
2016 yil 1 avgust kuni O‘zbekiston musulmonlari idorasi tasarrufidagi Imom Buxoriy nomidagi Toshkent islom institutiga hujjat topshirgan abituriyentlar uchun test imtihoni bo‘lib o‘tdi.. Imtihondan oldin institut rektori Uyg‘un G‘ofurov abituriyentlarga imtihon jarayoni va tartibini tushuntirib o‘tdi.
Shuningdek, Din ishlari bo‘yicha qo‘mita va O‘zbekiston musulmonlari idorasi tomonidan tayinlangan mas’ullar hamda abituriyentlar va ota-onalar tomonidan chiqqan vakillar guvohligida imtihon savollari solingan maxsus muhrlangan qop ochildi.
Erta tongdan test sinovlaridan imtihon topshirish uchun puxta tayyorgarlik ko‘rib, oliygoh ostonasiga qadam qo‘ygan abituriyentlarning yuz-ko‘zlaridan talaba bo‘lishga ishtiyoqlari kuchli ekani bilinib turibdi.
Farzandlariga ruhiy dalda bo‘lib, ular bilan hamroh bo‘lib kelgan ota-onalar va mehmonlar uchun institut hududida salqin ichimliklar va shinam kutish joylari tashkil qilindi.
Eslatib o‘tamiz, test imtihonlari natijasi 2016 yil 3 avgust kuni soat 9:00 da institut e’lonlar doskasiga osiladi.
