Jorj Kluni Suriya urushi haqida film suratga oladi

   Taniqli gollivud aktyori va rejissyor Jorj Kluni Suriyada bo‘layotgan urush mavzusida film suratga olishni rejalashtirmoqda. Kartinada “Oq shlemlilar” deb ataluvchi ko‘ngillilar guruhi haqida hikoya qilinadi. Ular urush o‘choqlarida jarohat olganlarga yordam berish bilan shug‘ullanishadi.
   Kartinaga Netflix kompaniyasi tomonidan suratga olingan “Oq shlemlilar” nomli hujjatli film asos bo‘ladi. Eslatib o‘tamiz, mazkur film “Oskar” mukofotining “Eng yaxshi hujjatli film” yo‘nalishining short-listiga kiritilgandi.
   Ma’lum bo‘lishicha, Kluni hozirda ssenariy ustida ishlayapti. Kartinaning namoyish vaqti hozircha ma’lum emas.

Islam-today