Hojilar tavofi qudumni ado etishlari uchun vaqt belgilandi
Saudiya Arabistoni Podshohligi Tavofni ado ettirish Markaziy idorasi taqdim etgan ushbu reja tavof mas’ullari muassasalari koordinatsiya hay’ati tomonidan tasdiqlandi. Unga ko‘ra Baytulloh Haromda davom etayotgan qurilish va kengaytirish ishlari davom etayotgani sababli, besh vaqt namozdan bir soat oldin va bir soat keyin tavof qudum-umra ado etish man etildi.
Tavofni ado ettirish Markaziy idorasi mudiri doktor Usmon ben Bakr Qazzoz bayon qilishicha, hojilar Al-masjid ul-haromga otlanishlaridan oldin ehromga kirganlari, qo‘l tasmalari va ko‘krak nishonlarini o‘zlari bilan olganlariga ishonch hosil qilish uchun markaz xodimlari tomonidan yana bir marta ko‘rib chiqiladi.
Shu maqsadda 90 nafar muttavvif (tavof qildiruvchi) mas’ullar shtati ajratilgan. Ular bir kecha-kunduzda uch smenada ish olib borishadi. Muttavviflar Makkai mukarramaga yetib kelayotgan hojilarni belgilangan tartibga amal qilishlarini nazorat qilishadi.
Jaloliddin Nuriddinov tarjimasi
Makka shahri “Ukkoz” gazetasi 23 avgust 2016 yil
Manba: www.muslim.uz
