Bu yilgi Haj mavsumida ziyoratchilardan birining ko‘zi yoridi
Saudiya Arabistoni Sog‘liqni Saqlash Vazirligining joriy yilgi Haj mavsumi yakuniga bag‘ishlangan hisobotida, mavsum davomida 340102 nafardan ortiq ziyoratchiga tibbiy xizmat ko‘rsatilgani ma’lum qilindi.
Vazirlik ma’lumotiga ko‘ra, aksariyat ziyoratchilar quyosh urishi natijasida shifokorlarga murojaat qilishgan. Shuningdek, ayrim bemorlar ustida murakkab jarrohlik amaliyoti ham o‘tkazilgan. Quvonarlisi, mavsum davomida shifokorlar yordamida bir nafar chaqaloq ham dunyoga keldi.
Eslatib o‘tamiz, joriy Haj mavsumida Vazirlik tomonidan 26000 nafar shifokorlar guruhi ziyoratchilar xizmatiga jalb qilingan edi. Shuningdek, 177 ta tez tibbiy yordam mashinasi Makka va Madina shaharlari, Arafot maydoni, Muzdalifa va Mino vodiysida kechayu kunduz ziyoratchilarga xizmat ko‘rsatdi.
Manba: www.muslim.uz