Bomdod nega quyosh chiqmasidan oldin o‘qiladi? 18.11.2017
Savol:Assalomu Aleykum. Bomdodni quyosh chiqmasdan o‘qish lozim va quyosh botganda shom o‘qilishi kerak. Nega quyosh chiqmasdan Bomdod o‘qiladi yoki quyosh botganda shom? Rahmat kattakon.
Bo`lim Fiqh9283
Va alaykum assalom. Alloh taolo mo‘min-musulmon bandalariga bir kunda besh mahal namoz o‘qishni buyurgan. Bular: bomdod, peshin, asr, shom va xufton. Bu namoz vaqtlari Alloh tarafidan joriy qilingan. Lekin, aynan nima sababdan bu vaqtlar belgilangani Allohga ayon. Bandalar taabbudiy narsalarni bilmaydilar. Masalan, nega odamning ikkita ko‘zi bor, nima sababdan inson oyog‘i bilan yuradi, kabi savollar berilmaydi. Buning sababini faqat Alloh biladi.
Insonlarga juda oz ilm berilgan. G‘ayb narsalar, Allohgagina ayon bo‘lgan ilmlar bor. Bandalar bular haqida savol beravermasdan, o‘zlariga yuklatilgan vazifalarni sidqidildan ado etsalar, maqsadga muvofiq bo‘ladi. Chunonchi, bizdan, namoz nega ma’lum vaqtga belgilanganini bilish emas, namozni vaqtida to‘kis ado etish talab etilgan... Vallohu a’lam!