Qarg‘ishdan saqlaning....
Mahallamiz hududida bolalar bog‘chasi bor. Har kuni ertalab ayol- qizlar, kelinlar jajjigina o‘g‘il-qizlarini bog‘chaga masjidimiz oldidan olib o‘tadilar. Bolalardan ba’zi birlari yig‘lab, bog‘chaga bormayman, deb harhasha qiladi, yig‘laydi.
Yaqinda bir yosh kelin kichkinagina o‘g‘ilchasini qo‘lidan yetaklab, “Tez- tez yur” deb tortqilab ketayotgan edi. Bola “Oyog‘im og‘riyapti”, deb yig‘lay boshladi. Shunda onasini jahli chiqib «Oyog‘ing singur tez-tez yur», deb qarg‘ay boshladi. Oradan bir daqiqa ham o‘tmasdan nariroqdagi ariqqa bolasi yiqilib tushdi va chinqirab yig‘lay boshladi. Ona bolasini bag‘riga bosib ovutishga harakat qilardi, ammo urinishlari besamar ketdi. Bola ovunmagandan keyin shifokorga olib borishga majbur bo‘ldi. Tashxisni qarang: bolani oyog‘i ikki joyidan cingan. Ona yig‘ladi, afsus qildi. Endi foydasi yo‘q.
Bolasini «Oyog‘ing sinsin» deb qarg‘agan ona ikki ko‘zi yosh bilan hayron turardi.
Rasullulloh sallollohi alayhi vasallam qarg‘ishdan qaytarib, “O‘zingizning haqqingizga, bolalaringiz haqqiga, molingiz haqqiga, xizmatkorlaringiz haqqiga duoibad qilmang. Alloh taolo so‘ralgan narsalar vaqtiga muvofiq bo‘lib qolsa, duoibadingiz qabul bo‘lib qoladi”, dedilar. (Muslim rivoyati)
Qolaversa, xalqimizda "Yaxshi gapga ham, yomon gapga ham farishta Omiyn deydi”, degan hikmatli gap bor. Qarg‘ishdan, duoi baddan ehtiyot bo‘laylik.
Dilshod Umurtoyev,
Yahyo qori jome masjidi imom-xatibi