Ингушетиялик илк зиёратчилар гуруҳи ҳаж сафарига йўл олишди
Ингушетиялик зиёратчиларнинг илк гуруҳи “Ютэйр” авиакомпаниясининг Боинг 767 самолётида Мадина сари йўлга чиқди. Саудия Арабистонига йўл олган зиёратчилар гуруҳи 247 кишидан иборат. Бу ҳақда Магас аэропортидан ОАВ хабар бермоқда.
2018 йилги ҳаж мавсумида Ингушетиядан жами 1.5 минг зиёратчи ҳаж сафарига боради.
“Мана олти йилдирки бизнинг фуқароларимиз ҳаж сафарига мамлакатимиздан юборилмоқдалар. Бу йил илк зиёратчилар гуруҳи Россиянинг биринчи қаҳрамони Суламбек Осканов номидаги самолётда сафарга чиқдилар. Биз жами бешта рейс ташкил қилганмиз, уларнинг ҳар бирида 247 нафар зиёратчи бўлади.
Аввалги тўрт рейсимизда асосан ингушетилик зиёратчилар жўнатилади ва сўнгги рейсда доғистонлик зиёратчилар Саудия сари йўл оладилар. Биз зиёратчиларнинг хавфсизликлари ва қулайликлари учун барча чораларни кўрганмиз, ҳожиларнинг намоз ўқишлари учун алоҳида намозхоналар ҳам ташкил қилинган”, – дейди Магас аэропорти раҳбари Ваха Евлоев.