Шайх Зайниддин жоме масжидида умумхалқ хайрия ҳашари ўтказилди
Озодалик, поклик ва ҳамжиҳатлик халқимизга хос азалий қадрият. Муқаддас динимизда ҳам бу тушунчаларга алоҳида эътибор қаратилган. Шундай муқаддас қадриятларни тарбиялашда азал-азалдан умумхалқ хайрия ҳашарлари муҳим аҳамиятга эга бўлиб келган.
Ўзбекистон Республикаси Вазирлар Маҳкамасининг 2016 йил 10 августдаги фармойишига асосан, республикамизда 20-21 август кунлари умумхалқ хайрия ҳашари ўтказилиши белгиланганди. Тошкент шаҳар, Шайхонтоҳур тумани Шайх Зайниддин жоме масжидида ҳам мазкур озодалик тадбири уюшқоқлик билан ўтказилди ва Одилхон қори Исмоилов бошчилигидаги масжид жамоаси унда фаол иштирок этди.
Масжид ва қабристон ҳудудлари тартибга келтирилди, ариқлар, кўчалар ва йўлаклар тозаланди, дов-дарахтларни оқлаш ва буташ ишлари амалга оширилди. Шунингдек, ижтимоий ҳимояга муҳтож, ногирон, кам таъминланган, боқувчисини йўқотган оилаларининг уй-жой шароитларини яхшилашга кўмаклашилди.
Шайх Зайниддин жоме масжиди Матбуот хизмати