Qur’onning elektron nusxasini tahoratsiz ushlash joizmi? 18.09.2017
Savol:Assalomu alaykum. Kompyuterdagi elektron Mushafni tahoratsiz holda tilovat qilsa yoki yod olsa bo‘ladimi?
Bo`lim10706
Va alaykum assalom. Tahoratsiz odam elektron shakldagi Mushafni o‘qishi, qiroat yozilgan kasseta, disk yoki telefonni ushlashi, ulardan foydalanishi joiz. Bunda u xotiradagi Qur’onga o‘xshatiladi.
Agar yozilgan (varaqiy) Mushafni ushlamoqchi bo‘lsa, tahoratli bo‘lishi shart qilingan. Masalan, kitob holidagi Qur’oni karimni qo‘lga olish uchun tahorat qilish kerak. Elektron shakldagi Qur’onda bunday emas. Unda Qur’on qo‘lga olinmaydi, faqat ekran orqali ko‘riladi va o‘qiladi. Albatta bunda tahoratli bo‘lish afzal. Shunday bo‘lsa-da, xotirasiga Qur’oni karim dasturi yoki qiroati yozilgan moslamalar (telefon, disk) bilan hojatxonaga kirilmaydi.
Ba’zi ulamolar bu borada aytilgan dalillarni e’tiborga olib, elektron Mushaf ham varaqiy (yozilgan) Mushaf kabidir. Uni ushlash uchun tahorat qilish shart. Aks holda bu Qur’oni karimga hurmatsizlik bo‘ladi, deyishgan. Vallohu a’lam!