Xitoylik musulmonlar eng yirik masjidlardan birining buzilishiga norozilik bildirmoqdalar
Xitoyning Ninsya viloyatidagi eng yirik masjidlardan biri buzilish arafasida. Shu munosabat bilan yuzlab xitoylik musulmonlar norozilik chiqishlarini uyushtirishdi.
Reuters agentligining ma’lum qilishicha, huquqni himoya qiluvchi tashkilotlar hukumatning mazkur qarorini erkin diniy e’tiqod qonuniga zid ravishda chiqargan deya baholamoqdalar.
Masjidning buzilishiga sabab, uning shahar ko‘rinishiga noloyiq uslubdagi ko‘rinishi ekani ma’lum qilingan.
Bundan tashqari, Veychjou Jome’ masjidi qurilish chog‘ida barcha talablarga javob bermagan. Shuning uchun hukumat mahalliy musulmonlarga masjidning ma’lum qismini qoldirib, uning minora va gumbazlarini olib tashlashni hamda masjidni xitoycha uslubda qayta ta’mirlashni taklif qilgan. Lekin fuqarolar bunga rozi bo‘lishmagan.