Umra qilishlik baxti
Umra ziyoratiga borgan ziyoratchilarimiz Madinaning muqaddas qadamjolarini ziyorat etdilar. Ziyoratimiz davomida Uhud tog‘iga, Ikki qiblali masjid va masjidi Quboga tashrif buyurishdi.
Musulmonlarning tabarruk maskanlarida turib yurtdoshlarimiz duolar qilishdi. Safardan his va hayajonga to‘la umrachilarimiz shukronalar aytishmoqda. Jumladan Qashqadaryo viloyati ziyoratchisi Davron Rajabov shunday deydi: “Bu yerlarga kelar ekanmiz istiqlol vatandoshlarimizga naqadar buyuk ne’matlarni tortiq etganiga yanada amin bo‘ldik. Ahir yaqin o‘tmishda qanchadan qancha ota-bobolarimiz bu kunlarni orzu qilib o‘tishdi.
Muqaddas joylar tarixini eshitib yanada his hayajonimiz ortdi. Alloh taoloning bizga bergan buyuk ne’mati istiqlol sharofati bilan Haj va Umra ziyoratlariga kelib turganimizni ich-ichimizdan his qildik. Shinam mehmonxona, saharlik va iftorliklarda tanovul qilayotgan issiq o‘zbek ovqatlarimiz, shifokorlarning e’tibori, ishchi guruhi tinim bilmay xizmat qilishlari hammasi yuqori darajada. Bizga yaratilgan shart sharoitlar va qulayliklar uchun Hukumatimizga uz minnaddorchiligimizni bildiramiz”.
Allohdan yurtimizga tinchlik, xotirjamlik hamda xayr barakalar so‘rab duolar qilmoqdamiz.
